Мінчук выкінуў з акна пляшку — і разбіў шкло аўтамабіля
У міліцыю звярнуўся жыхар сталіцы: невядомы з акна шматкватэрнага дома выкінуў пустую пляшку на яго аўтамабіль і разбіў задняе шкло, паведамляе гарадская міліцыя.
Хулігана хутка знайшлі. Ім аказаўся 49-гадовы мінчук.
Ён растлумачыў, што ў гэтым доме зняў кватэру на суткі і праводзіў у ёй час са знаёмай. Выпівалі, у выніку мужчына пасварыўся з сяброўкай, а пасля выкінуў у акно пляшку.
Шкода склала больш за 700 рублёў. Яе ён выплаціў у поўным памеры.