Пачалася праверка сістэмы тэрытарыяльнай абароны
Адпаведнае распараджэнне сёння ўручыў начальнік Генеральнага штаба Узброеных Сіл Беларусі генерал-маёр Аляксандр Вальфовіч старшыні Мінскага абласнога выканаўчага камітэта Аляксандру Турчыну, паведамляе Мінабароны ў сваім тэлеграм-канале.
У Клецку будзе разгорнуты штаб раёна тэрытарыяльнай абароны і сфармаваны батальён тэрытарыяльных войскаў. Асабістаму складу трэба будзе адпрацаваць пытанні аховы важных аб'ектаў, нясення службы на блокпастах, барацьбы з незаконнымі ўзброенымі фарміраваннямі, забеспячэння рэжыму ваеннага становішча, а таксама трэба будзе вырашаць іншыя раптоўныя задачы.