З падазрэннем на каранавірус у Гродзенскай вобласці шпіталізавалі двух дальнабойшчыкаў
За апошнія суткі ў Гродзенскай вобласці шпіталізавалі двух дальнабойшчыкаў, паведамляе «Гродзенская праўда».
Аднаму выклікалі хуткую дапамогу на мяжу — у сувязі з верагодным выпадкам каранавіруснай інфекцыі, бо вяртаўся мужчына з Італіі і ў яго была высокая тэмпература. Другі чалавек звярнуўся па медыцынскую дапамогу сам, на працягу апошніх 14 дзён ён быў у Еўропе, у тым ліку наведваў Італію, і таксама мае прыкметы рэспіраторнай інфекцыі. Яго таксама шпіталізавалі ў інфекцыйную бальніцу.