Кыргызстан таксама зачыніў межы
Улады Кыргызстана ў сувязі з пагрозай распаўсюджвання каранавіруса ўвялі часовую забарону на ўезд замежных грамадзян. Пра гэта паведаміў ТАСС са спасылкай на віцэ-прэм'ера рэспублікі Алтынаю Амурбекаву.
Паводле яе слоў, падобныя крокі прадпрымаюць цяпер многія краіны свету, і Кыргызстан не з'яўляецца выключэннем. «Мы абавязаны былі прыняць такія прафілактычныя меры», — патлумачыла Амурбекава, запэўніўшы, што закрыццё межаў не распаўсюджваецца на грузавыя перавозкі.
У той жа час у сувязі ўвядзеннем рэжыму надзвычайнай сітуацыі ў Казахстане з аўторка 17 сакавіка ўлады Кыргызстана часова адмянілі міжнароднае чыгуначнае злучэнне.
14 сакавіка ўлады Кыргызстана зачынілі ўсе школы і ВНУ на трохтыднёвы каранцін.