Генпракурорам Украіны ўпершыню стала жанчына
Вярхоўная Рада прызначыла новым генпракурорам Украіны Ірыну Венядзіктаву, паведамляе «РБК-Украіна».
Прызначэнне падтрымалі 269 нардэпаў.
Ірына Венядзіктава нарадзілася 21 верасня 1978 года ў Харкаве. Скончыла з адзнакай Харкаўскі нацыянальны ўніверсітэт унутраных спраў па спецыяльнасці «Правазнаўства» і «Менеджмент». Са жніўня па снежань 2019 года займала пасаду кіраўніка камітэта ВР па пытаннях прававой палітыкі. 28 снежня 2019 года была прызначаная на пасаду в. а. дырэктара Дзяржаўнага бюро расследаванняў.