Сіноптыкі: 18 сакавіка — да +17
18 сакавіка ў Беларусі чакаецца паступовае павелічэнне воблачнасці, пераважна без ападкаў, толькі ў другой палове дня ў асобных раёнах Віцебскай вобласці невялікія дажджы, паведамляе Белгідрамет. Вецер паўднёва-заходні, парывісты. Тэмпература паветра максімальная днём +8..+14°C, на паўднёвым захадзе +15..+17°C.
У Мінску: без ападкаў. Вецер паўднёва-заходні, ад умеранага да парывістага. Тэмпература паветра раніцай -2..+1°C, днём +11..+13°C, вечарам +6..+9°C.