Лукашэнка: Сітуацыя з каранавірусам у Беларусі не такая, каб прымаць драконаўскія захады
Пра гэта Аляксандр Лукашэнка заявіў сёння журналістам у час наведвання навукова-вытворчага прыватнага прадпрыемства «Адані», перадае БЕЛТА.
«Трэба людзей, урэшце, навучыць адказваць за сябе і тых, хто побач. Калі ты кашляеш, то не выходзь на вуліцу, заразу не разнось», — сказаў Аляксандр Лукашэнка.
У той жа час ён падкрэсліў, што беларусы не знаходзяцца ў той сітуацыі, каб прымаць драконаўскія меры. Але і супакойвацца не трэба, звярнуў увагу кіраўнік дзяржавы.