Мінздароўя: У Беларусі зафіксаваны 81 выпадак каранавіруса
На сённяшні дзень у Беларусі праведзена больш за 21 тыс. тэстаў на COVID-19. Тэставанне праводзіцца з 23 студзеня. Мінздароўя нагадвае, што Беларусь увайшла ў топ-10 краін свету з найбольшай колькасцю выкананых тэстаў на каранавірус.
На сённяшні дзень ужо выпісаны або рыхтуюцца да выпіскі 22 пацыенты. Раней у іх тэст на COVID-19 даў станоўчы вынік, пасля праведзенага лячэння тэсты — адмоўны. Яшчэ 59 знаходзяцца пад медыцынскім кантролем і на лячэнні, паведамляе Мінздароўя.