У Чарнагорыі затрымалі расіянку за распаўсюд фэйкаў пра каранавірус
Чарнагорская паліцыя затрымала грамадзянку Расіі, якая распаўсюджвала фэйкі пра каранавірус, паведамляе тэлебачанне Чарнагорыі.
Яна апублікавала ў сваім профілі ў сацыяльнай сетцы, што каля 1000 чалавек заражаныя каранавірусам у Чарнагорыі, шасцёра памерлі і што ў Чарнагорыі чакаецца сцэнар, як у Італіі.
Паліцыя арыштавала расіянку па падазрэнні ў тым, што яна здзейсніла злачынства, распаўсюджваючы паніку і бязладдзе.