Расійскі пісьменнік Барыс Акунін заразіўся каранавірусам
Расійскі пісьменнік і перакладчык Барыс Акунін (сапраўднае імя — Рыгор Чхарцішвілі) заразіўся COVID-19, напісаў ён у сваім Facebook.
63-гадовы Акунін паабяцаў паведаміць падрабязнасці, як толькі яго самаадчуванне палепшыцца, адзначыўшы, што «страх перад каранавірусам значна страшнейшы за сам каранавірус».
З 1998 года Рыгор Чхарцішвілі піша мастацкую прозу пад літаратурным псеўданімам «Барыс Акунін», працуе ў жанры гістарычнага інтэлектуальнага дэтэктыва. У 2014 годзе ён пераехаў з сям'ёй з Масквы ў Лондан.