Мінздароўя: У Беларусі зарэгістраваныя 300 выпадкаў каранавіруса, з іх 4 смяротныя
абноўлена
Мінздароўя у сваім тэлеграм-канале апублікавала свежую статыстыку па каранавірусе.
Знаходзяцца на лячэнні 254 чалавекі. З іх 11 чалавек на штучнай вентыляцыі лёгкіх.
Выздаравелі і выпісаныя з медыцынскіх устаноў — 46 пацыентаў. У гэты лік уваходзяць і 4 памерлыя (яны «выпісаныя» ў морг).
Такім чынам, агулам зафіксавана 300 выпадкаў каранавіруса.
Пад медыцынскім наглядам як кантакты 1 і 2 ўзроўню знаходзяцца 9 299 чалавек. З іх 1 943 чалавекі — у стацыянарных умовах.