Урад Польшчы выдзеліць на падтрымку бізнэсу яшчэ 22 мільярды еўра
Урад Польшчы выдзеліць дадатковыя 100 млрд злотых (каля 22 млрд еўра) на падтрымку бізнэсу, што пацярпеў з-за пандэміі каранавіруса, паведамляе Польскае радыё.
Гэта другі пакет дапамогі, які аб'яўляе польскі ўрад у сувязі з пандэміяй каранавіруса.
75 млрд злотых паступіць малым і сярэднім прадпрыемствам, якія страцілі больш за 25% сваіх даходаў праз крызіс.
Астатнія 25 млрд паступяць буйным плацельшчыкам падаткаў у Польшчы.
60% дапамогі складаюць субсідыі, іх не трэба вяртаць.