У Оршы памёр пацыент з каранавірусам
Па стане на 9 красавіка ў Аршанскім раёне зарэгістравана 11 выпадкаў каранавіруснай інфекцыі. Пра гэта паведаміў «Аршанскай газеце» галоўны дзяржаўны санітарны ўрач Аршанскага раёна Сяргей Белы.
У дзевяці чалавек стан здавальняючы.
Зарэгістраваны адзін выпадак смерці пацыента, у якога шматлікія хранічныя захворванні былі абцяжараны каранавіруснай інфекцыяй.
Праведзена больш за 390 тэстаў на каранавірус. Пасля атрымання паўторнага адмоўнага выніку на COVID-19 і адсутнасці клінічных праяў захворвання, знятыя з медыцынскага назірання 26 чалавек.