Школьныя канікулы працягнулі яшчэ на тыдзень
У Беларусі працягнулі школьныя канікулы да 18 красавіка. Інфармацыя пра гэта з'явілася ў тэлеграм-канале «Пул першага».
«Паводле нашай інфармацыі, Каранік і Карпенка сёння далажылі — першы рашэнне падтрымаў», — піша прэзідэнцкі тэлеграм-канал.
Нагадаем, раней тэрміны вясновых канікул былі падоўжаны на 6 дзён — з 6 па 11 красавіка ўключна.
«З улікам цяперашняга эпідэміялагічнага становішча, сезонным уздымам захворвання па вострых рэспіраторных вірусных інфекцыях, грыпе, іншых інфекцыях і неабходнасці стабілізацыі становішча кіраўніком дзяржавы падтрымана прапанова Мінадукацыі і Міністэрства аховы здароўя аб працягу вясновых канікул ва ўстановах агульнай сярэдняй адукацыі да 18 красавіка», — паведамляе адміністрацыя прэзідэнта.
Чацвёртая чвэрць пачнецца 20 красавіка і працягнецца да 30 мая (навучальны год не працягваецца).
Фота Сяргея Гудзіліна