Цана нафты ўпала ніжэй за $30
Цана ф'ючарса на нафту маркі Brent з пастаўкай у чэрвені 2020 года на біржы ICE ў Лондане ўпала на 7% — да $29,93 за бараль, сведчаць даныя таргоў.
Цана на нафту WTI знаходзіцца на адзнацы $20,54 за бараль, зніжаючыся амаль на 8%.
Падзенне ніжэй за $30 за барэль адбылося ўпершыню пасля пагаднення АПЕК+ 12 красавіка.
Эксперты лічаць, што цэны падаюць з-за боязі вытворцаў адносна таго, што аб'ёмы здабычы нафты былі скарочаныя недастаткова, каб кампенсаваць падзенне попыту з-за каранавіруса.