У Браслаўскім раёне зарэгістравалі першы выпадак заражэння каранавірусам
Як паведаміла «Браслаўскай зорцы» галоўны санітарны ўрач раёна Вольга Рудакова, на Браслаўшчыне зарэгістравалі першы выпадак заражэння COVID-19.
Захварэла пажылая жыхарка Браслава. У канцы мінулага тыдня яна вярнулася з-за межаў раёна і адчула сябе дрэнна. У яе ўзялі мазок на падазраваную інфекцыю і адправілі яго ў лабараторыю ў Віцебску. Даследаванне паказала станоўчы вынік на наяўнасць каранавіруса.
Зараз жыхарку Браслава ізалявалі, яна знаходзіцца на лячэнні.