Арганізацыі ЖКГ рэкамендуюць адкласці рамонт у кватэры
Арганізацыі ЖКГ рэкамендуюць адкласці рамонт у кватэры. Такая інфармацыя размешчана ў Telegram-канале Мінгарвыканкама, паведамляе БЕЛТА.
Каранавірус унёс карэктывы ў працу ЖКГ сталіцы: акрамя традыцыйных гігіенічных працэдур у пад'ездах штодня апрацоўваюцца дэзсродкамі паверхні ў месцах агульнага карыстання.
Складзены адмысловы алгарытм рэагавання на заяўкі па аказанні бытавых паслуг. Зараз гэтую сістэму перагледзяць і ўдасканаляць з улікам пажаданняў гараджан.
Арганізацыі ЖКГ рэкамендуюць не выкарыстоўваць перыяд самаізаляцыі для рамонту ў кватэры, лепш адкласці не тэрміновыя работы на больш позні тэрмін, калі абстаноўка стабілізуецца.