42-гадовая жанчына памерла ад пнеўманіі, яе маці змагаецца за жыццё. Муж: «Гэта не псіхоз!»
Некалькі дзён таму ў Віцебску ад пнеўманіі памерла 42-гадовая Наталля Шпакоўская, жыхарка аграгарадка Тулава пад Віцебскам. Пра яе смерць «Нашай Ніве» расказаў муж Аляксей.
Наталля Шпакоўская, фота з сацсетак за 2015 год
«Быў вірус, апошнія дні ляжала на ШВЛ, але ў эпікрызе COVID-19 няма. Як заразілася, я не ведаю — амаль увесь час была дома. Гэта не псіхоз! Падобна, адзіны шанец не заразіцца — поўны каранцін. Я пакуль дома, вынікаў тэсту яшчэ няма», — сказаў ён.
Цяпер Аляксей адзін выхоўвае сына.
Са словаў суседзяў вядома, што маці Наталлі таксама ў бальніцы.