Нямецкую бундэслігу хочуць аднавіць 15 мая
Сезон у чэмпіянаце Нямеччыны могуць аднавіць 15 мая.
Нямецкая футбольная ліга (DFL) лічыць гэтую дату рэалістычнай, але ўсё залежыць ад рашэння ўрада Нямеччыны.
Першапачаткова DFL была гатова аднавіць сезон 9 мая, але ўрад адклаў рашэнне аб вяртанні лігі да наступнага тыдня.
Сезоны ў еўрапейскіх чэмпіянатах былі прыпыненыя ў сярэдзіне сакавіка з-за пагрозы каранавіруса. Прычым у Нідэрландах, Бельгіі і Францыі чэмпіянат ужо завершаны датэрмінова. Чэмпіянаты ў Англіі, Іспаніі, Італіі, Расіі могуць аднавіцца ў чэрвені.
Адзінае першынство ў Еўропе, дзе праводзяцца матчы, гэта Беларусь. Прычым 30 красавіка стартаваў яшчэ і жаночы чэмпіянат. 9 мая павінен стартаваць футбол на Фарэрах.
Нават у хвалёнай Швецыі старт чэмпіянату перанесены на чэрвень.