Расійскі вірусолаг назваў парад Перамогі ў Мінску балем падчас чумы
Беларусь неабходна адгаварыць ад правядзення парада ў гонар 75-годдзя Перамогі ва ўмовах эпідэміі каранавіруса. Пра гэта заявіў радыёстанцыі «Говорит Москва» вядучы навуковы супрацоўнік расійскага цэнтра эпідэміялогіі і мікрабіялогіі імя Гамалеі Віктар Ларычаў.
Фота Надзеі Бужан.
«Няма тут ніякай мужнасці ў правядзенні параду, гэта як баль падчас чумы. Няма мужнасці, гэта глупства», — сказаў ён.
Спецыяліст згадаў, што падчас масавага мерапрыемства будзе вельмі цяжка кантраляваць эпідэміялагічную сітуацыю, частка людзей будзе ў масках, частка — не, хворнасць абавязкова вырасце.