Італьянцы на каранціне набралі ў сярэднім па 2 кілаграмы
Падчас 55-дзённага каранціну ў сувязі з пандэміяй каранавіруса італьянцы набіралі ў сярэднім па 2 кг вагі, паведамляе ANSA.
Да павелічэння вагі сярэднестатыстычнага італьянца прывяло знаходжанне дома, немагчымасць выконваць звыклыя спартыўныя практыкаванні і празмернае спажыванне ежы, напоўненай цукрамі, вугляводамі і тлушчамі.
Каля 47% італьянцаў лічаць пахудзенне адной з прыярытэтных задач, таму многія з іх садзяцца на дыету і займаюцца спортам, каб вярнуцца ў форму.