У Мінску машына з п'яным кіроўцам вылецела на тратуар, а затым урэзалася ў аўтобус ВІДЭА
Чатыры сябры на Opel Zafira вярталіся з рыбалкі і ўрэзаліся ў аўтобус ля дыспетчарскай станцыі «Малінаўка», паведамляе ДАІ.
Аўтамабіль рухаўся па вуліцы Слабадской з боку вуліцы Рафіева ў напрамку вуліцы Ясеніна. 34-гадовы кіроўца няправільна выбраў хуткасць, з-за чаго машына вылецела на тратуар. З-за таго, што мужчына не паспрабаваў затармазіць, легкавік урэзаўся ў аўтобус «МАЗ», які заязджаў на дыспетчарскую станцыю.
Шафёр быў нецвярозы. Медыцынскі агляд паказаў у выдыханым паветры 1,9 праміле этылавага спірту.
На кіроўцу склалі некалькі пратаколаў.