У Дзяржынску п'яная маці везла траіх малых дзяцей і трапіла ў аварыю
Ілюстрацыйнае фота Надзеі Бужан
У Дзяржынску нецвярозая жанчына везла ў машыне траіх дзяцей і трапіла ў аварыю, паведамілі ў ДАІ Мінскай вобласці.
Аварыя адбылася 24 мая каля 01.00 на вуліцы Мінскай. 29-гадовая жанчына за рулём «Рэно Лаган» рухалася ў кірунку сталіцы, не справілася з кіраваннем і з'ехала ў правы кювет.
Акрамя яе, у аўтамабілі знаходзіліся трое яе малалетніх дзяцей. Усе яны перавозіліся без спецыяльных утрымлівальных прылад, але, на шчасце, у аварыі не пацярпелі.
Медыцынскі агляд паказаў, што жанчына была п'яная — 1,45 праміле алкаголю. На парушальніцу склалі адміністрацыйныя пратаколы.