Прэм'ер Літвы прапанаваў працягнуць каранцін да канца чэрвеня
Пра гэта заявіў прэм'ер-міністр Саўлюс Сквярняліс, піша Delfi.
«Зараз прапануецца да канца чэрвеня, але паглядзім, якім будзе рашэнне ўрада», — сказаў кіраўнік урада ў аўторак журналістам.
Паводле яго слоў, у сераду ўрад таксама плануе зацвердзіць эпідэміялагічныя крытэрыі, якія будуць вызначаць неабходнасць каранціну.
Усеагульны каранцін для папярэджання распаўсюджвання каранавіруса ў Літве быў уведзены з 16 сакавіка.
У Літве за ўвесь час было зафіксавана 1635 выпадкаў каранавіруса, 63 чалавекі памерлі.