У Жыткавіцкім раёне «Пежо» з'ехаў на роварную дарожку і збіў жанчыну-веласіпедыста
Здарэнне адбылося ў нядзелю ў 13.50 на аўтадарозе «Жыткавічы — Давыд Гарадок», паведамляе прэс-служба МУС.
35-гадовы кіроўца «Пежо 406», паводле папярэдняй інфармацыі, заснуў за рулём, з'ехаў направа на веласіпедную дарожку і здзейсніў наезд на 61-гадовую жанчыну-веласіпедыста, якая ехала ў сустрэчным напрамку.
У выніку наезду жанчына атрымала цялесныя пашкоджанні і была дастаўлена ў бальніцу.