У Гомелі аварыйна сеў самалёт: у рухавік трапіла птушка
Паведамленне пра інцыдэнт у аэрапорце «Гомель» Гомельскага раёна паступіла ратавальнікам 14 чэрвеня ў 11:24, піша прэс-служба МНС.
Фота МНС.
Калі падраздзяленні МНС прыбылі да месца выкліку, самалёт маркі ВЕ40, які належыць чэшскай авіякампаніі «Time Air», здзейсніў аварыйную пасадку.
Самалёт меўся выконваць рэйс «Прага-Гомель-Ціват». Як мяркуецца, падчас узлёту ў яго правы рухавік трапіла птушка, што і стала прычынай пасадкі. У выніку інцыдэнту пацярпелых няма. Абставіны здарэння высвятляюцца.