Мікола Статкевіч атрымаў чарговыя 15 сутак
Фота Надзеі Бужан
Пра гэта паведаміла ў фэйсбуку яго жонка Марына Адамовіч.
«Мікалай Статкевіч «знайшоўся» у ЦІПе. «Адбывае адміністрацыйны арышт». Калі будзе вызвалены, паведаміць адмаўляюцца. Суддзя Мотыль, насуперак патрабаванню Мікалая Статкевіча, асудзіла яго ў адсутнасці адваката. Вырак адвакату паведаміць адмаўляюцца», — напісала яна.
Пазней стала вядома, што Статкевіч атрымаў чарговыя 15 сутак.
Статкевіч быў затрыманы 31 мая, калі ехаў на пікет на Камароўку. На наступны дзень ён быў асуджаны на 15 сутак.