Бабарыка збіраецца падаць у ЦВК 380 тысяч подпісаў і пабіць рэкорд Кебіча
19 чэрвеня — апошні дзень збору подпісаў за вылучэнне кандыдатуры на пасаду прэзідэнта. Каманда Віктара Бабарыкі паведамляе, што збіраецца падаць у ЦВК 380 тысяч правераных подпісаў.
На сёння сабрана 368 тысяч. Гэта рэкордная колькасць падтрымкі, калі параўноўваць з іншымі дэмакратычнымі кандыдатамі на ўсіх ранейшых прэзідэнцкіх выбарах.
У 1994 годзе тагачасны прэм'ер Вячаслаў Кебіч падаў 371 967 подпісаў.
Большыя лічбы дэманстравалі ініцыятыўныя групы Аляксандра Лукашэнкі ў той час, калі ён узначальваў краіну.