Лукашэнка: У тым выглядзе, у якім мы разумеем дэмакратыю, яе блізка няма ні ў адной краіне
Пра гэта Аляксандр Лукашэнка заявіў сёння ў час размовы з воінскім калектывам 38-й Брэсцкай асобнай гвардзейскай дэсантна-штурмавой брыгады, перадае БЕЛТА.
Кіраўнік дзяржавы падкрэсліў, што ў аснове заўсёды ляжыць самая жорсткая канкурэнцыя, перш за ўсё ў сферы эканомікі. «Калі вы чуеце размовы пра нейкую дэмакратыю, вы павінны разумець, што ў тым выглядзе, у якім мы разумеем гэтую дэмакратыю, яе блізка няма ні ў адной краіне», — сказаў Аляксандр Лукашэнка.
Ён, у прыватнасці, прывёў прыклады мер рэагавання, якія рабіліся ў Францыі ў адносінах да «жоўтых камізэлек», а таксама нядаўнія падзеі ў ЗША.