СААЗ пра другую хвалю пандэміі: Мільёны могуць памерці
Па ацэнках Сусветнай арганізацыі аховы здароўя, падчас другой хвалі пандэміі каранавіруса могуць памерці мільёны людзей па ўсім свеце, піша CNN.
«Параўнайце з іспанскім грыпам, які паводзіў сябе сапраўды гэтак жа, як COVID-19: улетку ён пайшоў на спад і люта аднавіўся ў верасні і кастрычніку, у выніку падчас другой хвалі памерлі 50 млн чалавек», — заявіў памочнік генеральнага дырэктара СААЗ па стратэгічных пытаннях Раньеры Гера.