Жыхары Хабараўска другі дзень запар выйшлі на вуліцы ў падтрымку Фургала
У Хабараўску зноў у нядзелю працягнуліся пратэсныя акцыі ў падтрымку арыштаванага губернатара края Сяргея Фургала, паведамляе dvhab.ru.
На цэнтральных вуліцах горада прайшоў аўтапрабег, група жыхароў зладзіла шэсце па вуліцы Леніна, людзі сабраліся ля будынка ўрада рэгіёну з патрабаваннем адкрытага суда над губернатарам.
Улады рэгіёну звярнуліся да жыхароў края з просьбай не ўдзельнічаць у стыхійнай акцыі. «Нагадваем, што любыя мітынгі цяпер з'яўляюцца несанкцыянаванымі. Арганізатарам і ўдзельнікам трэба разумець, што яны могуць быць прыцягнутыя да адказнасці», — гаворыцца ў паведамленні ўрада.
Напярэдадні мітынгі і шэсці прайшлі ў Хабараўску, Камсамольску-на-Амуры і іншых гарадах края.