Чэрачань — Ярмошынай: «Дзякую за рэгістрацыю… І… У мяне няма слоў»
Цэнтрвыбаркам Беларусі зарэгістраваў Сяргея Чэрачня кандыдатам у прэзідэнты. Пытанняў ні па сабраных ім подпісах выбарцаў, ні па дэкларацыі аб даходах не ўзнікла.
Сам Чэрачань, выступаючы перад ЦВК, усхвалявана і перарывіста сказаў адносна таго, што назіраў сёння ў Цэнтрвыбаркаме, маючы на ўвазе нерэгістрацыю Бабарыкі і Цапкалы:
«Чакалі трохі іншага рашэння. Я дзякую за рэгістрацыю… І… У мяне няма слоў…», — сказаў Чэрачань і пайшоў.
На пытанне Ярмошынай, ці збіраецца ён удзельнічаць у кампаніі, адказаў станоўча. «Людзі сказалі, што я павінен працягваць гонку», — сказаў Чэрачань.