Капітан БАТЭ пра арыштаванага гульца каманды: Ён не злачынца, ён — адзін з нас
Учора стаў вядомы лёс зніклага 11 жніўня форварда БАТЭ Антона Сарокі: ён быў затрыманы падчас мірнага пратэсту ў Мінску і змешчаны на Акрэсціна. Пазней суд вынес рашэнне аб арышце на 7 сутак, піша Tut.by.
Капітан БАТЭ Ігар Стасевіч не змог прайсці міма гэтага затрымання. У сваім Instagram ён выклаў фатаграфію затрыманага гульца і падпісаў яе:
— Антон не злачынца, як і ўсе іншыя затрыманыя! Ён адзін з нас!
Нагадаем, раней гендырэктар футбольнага клуба БАТЭ Міхаіл Залеўскі раскрытыкаваў жорсткасць сілавікоў ў адносінах да пратэстоўцаў у Беларусі і запісаў відэа, дзе ён выкідвае ў кантэйнер для смецця форму з афіцэрскімі пагонамі.