Дылеўскі правёў ноч на Акрэсціна, сёння яго судзяць
Гэтую інфармацыю пацвердзіла НН прэс-сакратар ГУУС Мінгарвыканкама Наталля Ганусевіч. Паводле яе слоў, лідар стачкама МТЗ Сяргей Дылеўскі быў затрыманы ўчора каля завода разам з Вольгай Кавальковай «у рамках адміністратыўнага працэса».
Паводле інфармацыі interfax.by у аўторак у судзе Заводскага раёна пачаўся разгляд яго справы. Дылеўскага і Кавалькову абвінавачваюць у «арганізацыі несанкцыянаванага мерапрыемства».