Пяскоў: Кантакты па тэме рэфінансавання беларускага дзярждоўгу перад Расіяй працягваюцца
Кантакты па пытанні аб рэфінансаванні доўгу Беларусі перад Расіяй працягваюцца па лініі фінансавых уладаў дзвюх краін. Пра гэта ў пятніцу заявіў журналістам прэс-сакратар прэзідэнта РФ Дзмітрый Пяскоў, піша ТАСС.
«Я пакіну гэтае пытанне нашым фінансавым уладам, менавіта яны ажыццяўляюць кантакты са сваімі беларускімі калегамі. Кантакты працягваюцца», — сказаў прадстаўнік Крамля.
Раней Мінфін РФ паведамляў, што разгледзіць запыт Беларусі аб рэфінансаванні доўгу ў $1 млрд у выпадку яго паступлення.
Учора Лукашэнка заявіў, што ён з Пуціным дамовіўся пра рэфінансаванне 1 млрд даляраў доўгу.