Кіраўнік МЗС Фінляндыі сустрэўся з Ціханоўскай
Кіраўнік МЗС Фінляндыі Пека Хаавіста сустрэўся ў суботу падчас візіту ў Літву са Святланай Ціханоўскай. Пра гэта ён паведаміў у Twitter.
У Вільні кіраўнік фінскага МЗС сустракаўся са сваім літоўскім калегам Лінасам Лінкявічусам. Яны, у прыватнасці, абмяркоўвалі «важнасць супрацоўніцтва краін Паўночнай Еўропы і Балтыі».
«Я сустрэўся таксама з апазіцыйным кандыдатам у прэзідэнты Беларусі Святланай Ціханоўскай. Беларуская апазіцыя імкнецца наладзіць дыялог з урадам краіны», — напісаў Хаавіста.