Пяскоў: Мінск і Масква працягваюць кантакты наконт рэфінансавання доўгу Беларусі
Прэс-сакратар прэзідэнта Расіі заявіў, што кантакты паміж Масквой і Мінскам наконт рэфінансавання доўгу Беларусі працягваюцца, і прапанаваў дачакацца візіту прэм'ера Мішусціна ў Мінск, піша «Інтэрфакс».
«Мішусцін ж едзе, і трэба дачакацца яго кантакту», — сказаў ён журналістам, адказваючы на пытанне, ці можна чакаць, што ўжо 3 верасня падчас візіту Мішусіціна ў Мінск будзе прынятае рашэнне наконт беларускага доўгу.