10 беларускіх кампаній сур'ёзна задумаліся аб пераносе дзейнасці ў Латвію
Дзесяць кампаній з Беларусі ўжо выказалі жаданне часткова або цалкам перанесці дзейнасць у Латвію. Пра гэта піша DELFI са спасылкай на словы дырэктара Латвійскага агенцтва інвестыцый і развіцця Каспарса Рожкалнса.
На працягу тыдня агенцтва пракансультавала больш за 100 беларускіх кампаній, якія ацэньваюць магчымасць аб пераносе дзейнасці ў Латвію.
Паводле яго слоў, латвійскую прапанову сур'ёзна ацэньваюць некалькі вядучых беларускіх кампаній са сферы інфармацыйных і камунікацыйных тэхналогій (ІКТ).