РПЦ песімістычна адрэагавала на словы Лукашэнкі
Прадстаўнік Расейскай праваслаўнай царквы пракаментаваў заяву беларускага кіраўніка аб магчымасці хуткай сустрэчы Патрыярха Маскоўскага і Папы Рымскага ў Беларусі.
Прадстаўнік Расейскай праваслаўнай царквы пракаментаваў заяву беларускага кіраўніка аб магчымасці хуткай сустрэчы Патрыярха Маскоўскага і Папы Рымскага ў Беларусі.
На думку прадстаўніка Маскоўскага патрыярхату Антонія Ільіна, сустрэча патрыярха Кірыла і папы Бенедыкта XVI «не павінна вызначацца сённяшняй палітычнай кан’юктурай».
У інтэрвію «Інтэрфаксу» з нагоды прапановы А. Лукашэнкі протаіерэй Антоній Ільін зазначыў:
«Сустрэча не павінна быць нейкім шоў перад тэлекамэрамі, а павінна стаць плёнам вельмі сур’ёзнай, удумлівай дыскусіі аб існуючых праблемах, каб сама сустрэча зрабілася не пускавым момантам для іх вырашэння, а нейкім вынікам сур’ёзных кансультацый».