Старшыня Еўрапарламента заклікаў да дэмакратыі ў Беларусі
Ханс‑Герт Петэрынг, выступаючы на кангрэсе Еўрапейскай народнай партыі ў Варшаве, заявіў:
«Мы павінны дамагчыся, каб беларусы жылі ў свабодзе і дэмакратыі».
Старшыня Еўрапарламента сказаў, што Еўрапейская народная партыя заснаваная на прынцыпах дэмакратыі, прававой дзяржавы, салідарнасці і субсідыярнасці (размеркавання паўнамоцтваў). «І мы не павінны захоўваць гэтыя правы толькі для сябе»,‑‑ цытуе спадара Петэрынга AFP.
На кангрэсе ЕНП у Варшаве сабралася каля 2 500 дэлегатаў, з іх больш дзесятка кіраўнікоў урадаў краін ЕС, а таксама краін, якія жадаюць да яго далучыцца, — Украіны і Грузіі. У якасці гасцей на кангрэс запрошаныя прадстаўнікі беларускай апазіцыі.