У Мінску зноў пачаліся праблемы з інтэрнетам
burst.shopify.com
У Мінску каля 14:35 пачаліся праблемы з мабільным інтэрнэтам.
Праблемы такія ж, як і ў мінулыя нядзелі: сайты альбо зусім не загружаюцца, альбо гэта адбываецца з вялікай часовай затрымкай. Месенджары, адпаведна, таксама працуюць з перабоямі — медыя-файлы прапампоўваюцца не ва ўсіх, паведамленні могуць не прыходзіць і не адпраўляцца. З фіксаванай сувяззю праблем на момант публікацыі нататкі няма, таксама працуе 2G-сувязь.
У А1 сказалі TUT.by:
— Паважаныя абаненты! У адпаведнасці з распараджэннем упаўнаважаных дзяржаўных органаў 20 верасня на тэрыторыі Мінска зніжана прапускная здольнасць мабільнага інтэрнэту. Выкананне дадзенага патрабавання вядзе да істотнага пагаршэння якасці сэрвісу перадачы інфармацыі або часовай недаступнасці паслугі.