Расійскія дэсантнікі і тэхніка пасля вучэнняў пакідаюць Беларусь
Расійскія дэсантнікі і ваенная тэхніка пасля ўдзелу ў вучэнні «Славянскае братэрства-2020» пакідаюць тэрыторыю Беларусі, паведамілі ў Міністэрстве абароны Расіі.
Батальённа-тактычная група з Іванава самалётамі Іл-76МД ваенна-транспартнай авіяцыі Ваенна-касмічных сіл Расіі 23 верасня была перакінутая з тэрыторыі Расіі ў Беларусь, дзе выканала дэсантаванне парашутным спосабам.
У беларуска-расійскім вучэнні «Славянскае братэрства-2020», якое праходзіла з 14 па 25 верасня на тэрыторыі Беларусі, з расійскага боку бралі ўдзел больш за 900 вайскоўцаў Пскоўскага, Іванаўскага і Тульскага гвардзейскіх злучэнняў Паветрана-дэсантных войскаў, было задзейнічана каля 100 адзінак ваеннай і спецыяльнай тэхнікі.