Ерэван заявіў, што Азербайджан абстрэльвае Сцепанакерт «Смерчамі» і «Паланэзамі»
Азербайджан абстрэльвае Сцепанакерт сродкамі «Смерч» і «Паланэз», сцвярджае Мінабароны Арменіі.
Узброеныя сілы Азербайджана абстрэльваюць сталіцу непрызнанай Нагорна-Карабахскай Рэспублікі сістэмамі залпавага агню «Смерч», «Паланэз», а таксама турэцкай T-300 Kasirga, заявіў у панядзелак афіцыйны прадстаўнік Мінабароны Арменіі Арцрун Аванісян, піша ТАСС.
РСЗА «Паланэз» — беларуская сістэма залпавага агню, але можа знаходзіцца на ўзбраенні Азербайджана
Нагадаем, што ўчора адбылася тэлефонная размова прэзідэнта Арменіі Армена Саркісяна і Аляксандра Лукашэнкі.
«У размове быў дадзены выразны адказ на дадзеную фэйкавую інфармацыю — апошнія паўгода па лініі ВПК ніякіх паставак ваенных грузаў ні Азербайджану, ні Арменіі не ажыццяўлялася», — заявілі ў прэс-службе беларускага кіраўніка.