Партал Tut.by святкуе 20-годдзе
Фота Дзмітрыя Брушко
Сёння сваё 20-годдзе святкуе партал Tut.by — адзін з самых папулярных беларускіх сайтаў.
Як адзначаюць супрацоўнікі партала, у жніўні 2020-га ахоп сайта складаў 68,62% беларускай інтэрнэт-аўдыторыі. У жніўні 2020 года старонкі Tut.by адкрылі амаль 420 мільёнаў разоў.
Але гэты год быў няпросты, у маі памёр заснавальнік сайта Юрый Зісер.
Ад канца жніўня Міністэрства інфармацыі вынесла чатыры папярэджанні, а на мінулым тыдні прыпыніла для Tut.by статус СМІ і падало дакументы ў суд, каб пазбавіць сайт увогуле гэтага статусу.
Нягледзячы на ўсё гэта, «мы ідзём далей і кожны дзень, як і раней, зноў будзем вам распавядаць пра цікавыя падзеі і цудоўных людзей», — гаворыцца ў рэдакцыйным звароце.