Галоўчанка паехаў у Ерэван
Прэм'ер-міністр Раман Галоўчанка накіраваўся з рабочым візітам у Ерэван (Арменія) для ўдзелу ў пасяджэнні Еўразійскага міжурадавага савета, перадае БелТА.
Ключавой тэмай пасяджэння стане санітарна-эпідэміялагічная сітуацыя і пытанні аднаўлення пасажырскіх зносін у ЕАЭС. Будуць разгледжаны пакінутыя няўзгодненымі пазіцыі па стратэгіі развіцця еўразійскай інтэграцыі.
Таксама ў Галоўчанкі запланавана сустрэча са старшынёй урада РФ Міхаілам Мішусціным.