На дапамогу гандбольнаму клубу «Віцязь-Леон» прыйшла легендарная Наталля Наважылава
Фота з фэйсбука клуба
На дапамогу гандбольнаму клубу «Віцязь-Леон», які за грамадзянскую пазіцыю знялі з чэмпіянату і пакінулі без трэніровачнай залы, прыйшла легендарная Наталля Наважылава — гандбалісты цяпер займаюцца агульнай фізічнай падрыхтоўкай у яе фітнес-цэнтры.
«Выбары і ўсё, што адбылося пасля іх, сталі апошняй кропляй. Катаванні і здзекі — гэта ненармальна. Я гэта ўспрымала так, нібыта б'юць майго сына, забіваюць майго сына.
Грамадства абурана. Яно прагне свабоды, праўды, міру. Павольна, сваім шляхам, без падказак з захаду ці ўсходу мы самі пабудуем сваю краіну,» — прыводзіць словы Наважылавай прэс-служба каманды.