Лукашэнка: У пытаннях адносін Беларусі і Расіі неабходна дабіцца поўнай яснасці
Прэзідэнт Беларусі Аляксандр Лукашэнка лічыць патрэбным дабіцца поўнай яснасці ў існуючых пытаннях адносін Беларусі і Расіі.
Аб гэтым ён сёння сказаў на сустрэчы з Надзвычайным і Паўнамоцным Паслом Расійскай Федэрацыі ў Рэспубліцы Беларусь Аляксандрам Сурыкавым.
Кіраўнік дзяржавы адзначыў, што ён адкрывае новую старонку ва ўзаемаадносінах з замежнымі дыпламатамі. Пры гэтым Аляксандр Лукашэнка растлумачыў, звяртаючыся да расійскага пасла: &
laquo;Вы да іншаземцаў не належыце. Вы — нашы людзі. Тым не менш, вы прадстаўляеце самы блізкі нам народ Расіі, а таму я і вырашыў адкрыць гэту старонку сустрэчай з вамі».
Аляксандр Лукашэнка прапанаваў Аляксандру Сурыкаву прадоўжыць размову ў фармаце сам‑насам.
«Перакананы, што вы як пасол даложыце кіраўніцтву Расійскай Федэрацыі ўсе факты, каб паміж Мінскам і Масквой было больш разумення па тых ці іншых пытаннях», — сказаў прэзідэнт.«Я хацеў бы, каб наша шчырая і цёплая размова паклала добры пачатак традыцыі ўзаемаадносін з пасламі замежных дзяржаў», — падкрэсліў кіраўнік дзяржавы.
У сваю чаргу пасол Расіі назваў рашэнне Аляксандра Лукашэнкі правільным і своечасовым, асабліва на фоне глабальнага эканамічнага крызісу.
Беларуска‑расійскі тавараабарот у 2008 годзе дасягнуў рэкорднай адзнакі — амаль $34,2 млрд. Экспарт беларускіх тавараў у Расію перасягнуў $10 млрд. і ўзрос на 19,2 працэнта ў параўнанні з папярэднім годам.