У Менску маршрутнае таксі сутыкнулася з тралейбусам
Як паведамілі БелаПАН ва ўпраўленні ДАІ ГУУС Мінгарвыканкама, у 10.00 маршрутнае таксі, рухаючыся з боку вуліцы Шчорса на вуліцу Суражская, урэзалася ў заднюю частку тралейбуса. Абодва транспартныя сродкі ехалі па адной паласе адзін за адным.
Магчыма, вадзіцель маршруткі адцягнуўся і не паспеў своечасова затармазіць, адзначылі ў ДАІ. У таксі было 14 пасажыраў. Дзве дзяўчыны атрымалі траўмы і дастаўлены ў бальніцу.