З'езд ТБМ заклікаў да вяртання Канстытуцыі 1994 года
Алена Анісім. Фота Элы Дзвінскай, «Новы час»
У нядзелю ў Мінску прайшоў ХIV З’езд Таварыства беларускай мовы імя Францыска Скарыны. Яго дэлегаты выказаліся за вяртанне Канстытуцыі 1994 года і статуса адзінай дзяржаўнай беларускай мовы, паведамляе «Новы час».
Выступоўцы выказалі думку, што сённяшні ўздым грамадскай актыўнасці на вуліцах павінен надаць належнае месца ў дзяржаве беларускай мове.
«Калі людзі высока ўзнялі бел-чырвона-белыя сцягі як нацыянальныя сімвалы, то яны ўздымуць і мову!» — заявілі дэлегаты з’езда.
Па прапанове ганаровага старшыні ТБМ Алега Трусава з'езд выступіў за вяртанне Канстытуцыі 1994 года, у якой беларуская мова мела статус адзінай дзяржаўнай мовы.
На наступныя тры гады старшынёй арганізацыі пераабраная Алена Анісім.