Лукашэнка павіншаваў з «Днём Вялікага Кастрычніка»
Аляксандр Лукашэнка накіраваў віншаванне беларусам з Днём Вялікага Кастрычніка, паведамляе БелТА.
«Гэта гістарычная падзея адбылася пад знакам найважнейшых агульначалавечых каштоўнасцяў — нацыянальнага адраджэння народаў і сацыяльнай роўнасці людзей», — гаворыцца ў віншаванні.
Беларусь ці не адзіная краіна ў свеце, дзе святкуецца 7 лістапада, часам гэты дзень называюць Днём бальшавіцкага перавароту. У Беларусі ж гэта чырвоны дзень календара і выходны дзень (сёлета ён прыпаў на суботу), да яго прымеркаваныя розныя імпрэзы.